أعلنت ابنة شقيقة الفنانة صباح، كلود عقل عبر صفحتها على فايسبوك، خبر وفاة الشحرورة فجر اليوم ونقلت الوصية الاخيرة للصبوحة التي دعت فيها محبيها الى الفرح بوجودها كما رحيلها كما اعتادت أن "تفرّحهم" دائما".
وكتبت: "يا احباب الصبوحة،الصبوحة اليوم راجعة على ضيعتا عالأرض اللي حبّتا وحبّتا، الصبوحة اليوم راحت عالسما عند الرب الكبير راحت عند اهلا واخوتا اللي اشتاقتلن كتير، صباح الحياة صباح الفرح صباح الابتسامة المشرقة دايما صباح الضحكة المرسومة بأصعب الاوقات بتودعكن وبتقلكن ما تبكو وما تزعلوا عليي وهيدي وصيتي الكن قالتلي قوليلن يحطو دبكة ويرقصوا بدي ياه يوم فرح مش يوم حزن بدي ياهن دايما فرحانين بوجودي وبرحيلي متل ما كنت دايما فرّحن وقالتلي قلكن انها بتحبكن كتير وانو ضلوا تذكروها وحبوها دايماً".