أهم أولويات الراجل إن حبيبته تكون بتحبه وبتحترمه وبتقدره، بس مش كل الرجالة تعرف إزاى تعمل كده، هنا بقى هنقول شوية Tips تساعدك:
١- قولها دايما إنك بتحبها وقد إيه هى جميلة
الستات والإنسان عامة بيحب يسمع كلمات الثناء والمديح، بس بشرط تكون صادقة مش مجاملة.
٢- خصصلها وقت معاك
حسسها إن حياتك مش الشغل والنوم بس، عرفها إنها ليها وقت زيهم.
٣- ثق فيها
إديها الثقة، غلطت مرة وإتنين وتلاتة متحسسهاش إنك فقدت الأمل فيها، علمها وفهمها لحد ما تثق فيها تانى وتعتمد عليها.
٤- مهما كانت الحقيقة وحشة وهتوجع، قولها
محدش بيحب حد يكدب عليه، لازم تقول الحقيقة حتى لو هتضايقها، بس قولها بإسلوب لطيف.
٥- إحميها ودافع عنها كإنها حياتك شخصيا
شرفك, عرضك, وحياتك
٦- إسمعها دايما
إعرف إمتى تسمعها وترد، وإمتى تسمعها بس
٧- إشتريلها هدية من وقت للتانى
أقصر الطرق لقلبها، بس مش كتير عشان متفقدش الهدية معناها.
مبروك يا سبع حب حبيبتك ليك
© www.busmati.com